دادوەر قاسم عەبودی ئەندامی ئەنجوومەنی كۆمسیاران و ووتەبێژی ڕەسمی كۆمسیۆن لە لێدوانێكدا ووتی: "ئەو میكانیزمانەی كۆمسیۆن ڕەزامەندی لەسەر داوە بریتییە لە پابەندبوونی ئەو ڕاگوێزراوانە بە پێشكەشكردنی دوو بەڵگەنامەی ڕەسمی بە مەرجێك یەكێكیان پاسپۆرتی بیانی بێت بۆ پێناسەكردنی ناسنامەكانیان وشیاوبوونی تەمەنیان و شوێنی لەدایك بوونیان لە یەكێك لە پارێزگاكانی عیراق" . هەروەها وەرگرتنەوەی تۆماركردن و دەنگدانیان بە مەرجێك دەبێت كە پاسپۆرتە بیانییەكە ناوی سیانی و بەرواری لەدایك بوون و شوێنی لەدایك بوونیان لە یەكێك لە پارێزگا عیراقییەكان لەخۆبگرێت وە كارپێكراو بێت . ناوبراو جەختی لەسەر ئەوە كردەوە كە دەبێت داتاكانی ئەوانەی ئەم رێوشوێنە دەیانگرێتەوە، هاوتابێت لەگەڵ زانیارییەكانی ڕاگوێزراوەكان كە لە كۆمسیۆن هەیە ولە وەزارەتی ناوخۆەوە وەرگیراوە، ولە حاڵەتی هاوتانەبوونی زانیارییەكانی كارتەكانی دەنگدان لەگەڵ زانیارییەكانی وەزارەتی ناوخۆ ئەوە بە پووچەڵ دەژمێردرێت. لەلایەكی ترەوە، عەبودی ئەو هەواڵانەی كە لە دەزگاكانی ڕاگەیاندن بڵاوبوونەتەوە رەتكردەوە كە دەربارەی متمانەبوونی یەك بەڵگەنامە بۆ عیراقییەكانی تاراوگە وە ڕێیان پێ بدات لەڕێگەیەوە دەنگ بدەن. |
