ئەمرۆ تۆماركردن ودەنگدان لە ئوسترالیا كۆتایی پێهات، ئەمەش لە لایەن میقداد شەریفی بەرێوەبەری جێبەجێكاری نوسینگەی بەرێوەبردنی هەڵبژاردنەكانی دەرەوە راگەیەندراو وتیشی :ئوسترالیا، بەهۆی جیاوازی كاتەوە، یەكەم وڵات بووكە دەنگدانی تیادا دەست پێبكات :كە لە نیوەشەوی 4/5 ی ئازاری 2010 دابوو.

هەڵبژاردنەكان سێ رۆژ تیایدا بەردەوام بوو، عیراقیەكانی دانیشتووی ئوسترالیا بەشداریەكی بەرچاویان كرد و بنكەكان قەرەباڵغیەكی زۆریان بەخۆوە بینی .
ئاماژە بەوە دەكری كە هەڵبژاردنەكانی عیراكانی دانیشتووی دەرەوە لە رۆژی
5-3- 2010 دەستی پێكرد بەكاتی ئەو وڵاتەی كە هەڵبژاردنەكە تیادا بەرێوەدەچێت و بە پێی ئەو خشتەی كاتیەی كە بۆ دەنگدان داندراوە، هەڵبژاردنەكان لە دەرەوەی وڵاتدا بۆ ماوەی سێ رۆژ دەبێت و هەندێك وڵات سەرلەبەیانی رۆژی دووشەممە، هەشتی ئازار هەڵبژاردنیان تیادا تەواو دەبێت كە دەكاتە ئێوارەی حەوتی ئازار بە كاتی ئەمریكاو كەنەدا .