|
|
لێدوانێكی كۆمسیۆنی باڵای سەربەخۆی هەڵبژاردنەكان |
|
لەكاتێكدا كە عیراقییەكان بە پەرۆشەوە چاوەڕوانی پرۆسەی دەنگدانی گشتی دەكەن بۆ هەڵبژاردنی ئەنجوومەنی نوێنەرانی 2010 بەیانی ڕۆژی یەكشەممە حەوتی ئادار, |
بۆ بەشداریكردن لەم ڕووداوە مێژووییە كە هەنگاوێكی گەورەیە بۆ بنیادنانی ووڵاتێكی دیموكرات . كۆمسیۆنی هەڵبژاردنەكان كە لایەنی جێبەجێكارە هەموو ئامادەكارییەكانی ئەنجام داوە بۆ ئەو كاتەی كە ناوەندەكانی هەڵبژاردن دەكرێنەوە لە سەرانسەری عیراق، ئەو هەوڵانە دەنرخێنێت كە لەلایەن قەوارە سیاسییە بەشداربووەكان لە هەڵبژاردنەكان ئەنجام دراوە لە ڕێگەی پابەندبوون بە بنەماكان و سیستەمەكانی كۆمسیۆن و جێبەجێكردنی میكانیزمەكانی ماوەی بێدەنگی ڕاگەیاندن كە لە كاتژمێر حەوتی بەیانی ڕۆژی شەممە 6-3-2010 دەستی پێكردبوو ئەم پابەندبوونە شوێنی قەوارە سیاسییەكان و كاندیدەكان بەهێز دەكات لە ڕێزگرتنی بنەماكانی هەڵسوكەوت كە پڕۆسەی هەڵبژاردن ڕێكدەخات . و داوای هێوربوونەوە دەكات لە قەوارەكان و كاندیدەكان و ڕوونی مامەڵە كردن لەگەڵ ڕووداوەكە و بنكە جەماوەرییەكان ئاراستەی بارودۆخی گونجاو بكەن تاوەكو پڕۆسەی هەڵبژاردن بەشێوەیەكی ڕێكوپێك بەڕێوەبچێت
وە جەختی لەسەر ئامادەبوونی بریكارەكانی قەوارە سیاسییەكان كرد لە ناوەندەكان و وێستگەكانی دەنگداندا سەرەڕای چاودێرە نێودەوڵەتییەكان و ناوخۆییەكان كە هۆكارێكی بەهێزكەرن تاوەكو ئەم ڕووداوە مێژوییە بگاتە ئاستی خوازراو لە ڕێگەی پیادەكردنی بنەمای پاكی و ڕوونی كە ڕێگایەكە بۆ سەرخستنی هەڵبژاردنەكان . كۆمسیۆن داوا لە لایەنەكانی پشتیوانكار دەكات كە هەوڵی سەرخستنی هەڵبژاردنەكان دەكەن وەكو هێزەكانی ئاساییش كە دەنگدەر و ئارامی هەڵبژاردنەكان دەپارێزن و داوایان لێدەكات پارێزگاری لە ئاساییش و پاراستنی ناوەندەكانی دەنگدان بكەن و ئاسانكرنی كارەكانی دەنگدەر بۆ گەیشتن بۆ ئەو ناوەندانە بێ دەستێوەردانی كاری هونەری كە سەربە فەرمانبەرەكانی كۆمسیۆنە، ئەوانەی پابەندن بە بنەماكانی هەڵسوكەوت و ڕێوشوێنەكان كە مەشق لەسەر كراوە و پەیمان دراوە بە جێبەجێكردنی. وە كۆمسیۆن داوا لە دەزگاكانی ڕاگەیاندن دەكات لە ڕێگەی كارلێك كردن لەگەڵیان و بنیادنانی هاوبەشییەكی ڕاستەقینە كە چاوێكی گەورە بن بۆ بینینی ڕاستییەكان لە پڕۆسەی هەڵبژاردن هەروەها ئەم كارە پیشەیی و ڕوون بێت لە گواستنەوەی هەواڵەكان و ڕاپۆرتەكان و هاندانی دەنگدەر بۆ بەشداریكردنێكی كاریگەر بەرەو سەندوقەكانی دەنگدان . ئەنجوومەنی كۆمسیاران لە كۆمسیۆنی هەڵبژاردنەكان هیوای سەركەوتن دەخوازێت یەكەم بۆ دەنگدەری عیراقی چونكە بازنەیەكی كرنگ و سەرەكییە لە سەركەوتنی هەڵبژاردنەكان و ە هەروەها قەوارە سیاسییەكان و چاودێرە نێودەوڵەتییەكان و ناوخۆییەكان و بریكارەكانی قەوارە سیاسییەكان و ڕۆژنامەوانان و دەزگاكانی ئاسایش و هەر كەسێك پەیوەندی بە سەرخستنی پڕۆسەی هەڵبژاردنەوە هەیە .
|
|
07/03/2010 12:14:00 |
|
