بەرێز حەیدەری هەوڵەكانی شاندی فەرەنسی و هەموو چاودێرە نێودە وڵتیەكانی لە لەپشتیوانیكردنی كۆمسیۆندا بەرز نرخاند و داواشی لە هەموولایەك كرد كە بێلایەنی خۆیان بپاریزن و بەنجە بخەنە سەر كەموكورتیكانی پاكی پرۆسەی هەڵبژاردنەكان، ئەگەر هەبن .
بەرێز حەیدەری چەند پرسیارێكی بەرێز لورواری وەڵامداوە كە تایبەت بوون بە شێوازی تۆماركردنی چاودێرە ناوخۆیی و نێودەوڵتیەكان و ئەوەی روونكردەوە كە
لە كۆمسیۆندا بۆ بەدواداچوونی كاروباری چاودێران لیژنەیەكی تایبەت هەیە كە مەرجەكانی تۆماركردنیان لەگەڵ ئەو مەرجانەدا هاوتادەكات كە كۆمسیۆن دایناوە . هەروەهابەرێز حەیدەری لە وەڵامی پرسیارێكی تردا لەبارەی ئەو كاتەوە كە
كۆمیسیۆن پێویستیەتی بۆ راگەیاندنی ئەنجامەكان، وتی :
" سیستمی لیستی كراوە كە كۆمیسیۆن لە دەنگدانی ئەم هڵبژاردنەدا پەیڕەوی كرد
پێویستی بە كاتێكی زۆر هەیە هەروەها هەڵبژاردنی دەرەوەمان هەیە لە (16وڵاتدا
و دەنگدانی تایبەت و دەنگدانی مەرجداریش، بۆیە پێویستمان بە كات هەیە و رەنگە بتوانین كورتیشی بكەینەوە لە رێی كردنەوەی بنكەی داخلكردنی زانیاری كە لە رۆژهەڵاتی ناوەراستدا گەورەترین بنكەی لەو شێوەیەیە و
چاودێرە ناوخۆیی و نێودەوڵەتیەكان و چاودێرو نوێنەری قەوارە سیاسیەكان
دەتوانن لەرێگەی سكرینەوە چاودێری بكەن . بۆیە ئومێدمان وایە كە بە خێرایی ئەنجامەكان رابگەیەنین بەڵام ناتوانین بە دروستی وادەیەك دیاری بكەین ".
وە لە وەڵامی پرسیارێكیشدا دەربارەی گواستنەوەی زەرفە پارێزراوەكان لە وێستگەكانی دەنگدانەوە بۆ بارەگای كۆمیسیۆن وتی : وێستگەكان رێك لە كاتژمێر پێنجی سەرلەئێوارەی رۆژی( 7ی ئادار دادەخرێن و چاودێرە نێو دەوڵتی وناوخۆی یەكان بۆ تەواوكردنی پرۆسەی جیاكردنەوەو ژماردنەكە دەمێننەوە و هەموو ئەودەنگانە تۆماردەكەن كە قەوارەكان بەدەستی دێنن و ئەو ئەنجامانە بەچوار كۆپی لە زەرفە پارێزراوەكان دا دادەنرێن و بە ژمارەی نهینی نەبێت ناكرێنەوە و كۆپییەكیان لە هەمان وێستگەكەدا هەڵدەواسرێت و ئەوانیتریش بە پاسەوانی هێزەكانی ئاسایش دەگوازرێنەوە وچاودێرانیش مافی ئەوەیان هەیە كە تا گەیشتنیان بە بارەگا چاودێری بكەن . كە ئەم ئەزموونەش لە زۆر لە ئەزموونەكانی دیموكراسی جیهانیدا نیە .
هەروەها وتیشی " چاودێر هەر پێشێلكارییەك بەدی بكات دەتوانێت راپۆرتی خۆی بنووسێت و هەر ئەویشە كە لە كاتی كۆتایی هاتنی پڕۆسەی جیاكردنەوەو ژماردنكەدا واژوودەكات "
سینگەی بەرێوەبردنی هەڵبژاردنەكانی دەرەوە كۆتاییهاتنی تۆماركردن و دەنگدانی دەرەوەی وڵات رادەگەنێات
نووسینگەی بەرێوەبردنی هەڵبژاردنەكانی دەرەوە كۆتاییهاتنی تۆماركردن و دەنگدانی دەرەوەی وڵاتی راگەیاند . ئەمە لە لایەن( میقداد ئەلشەریفی بەرێوەبەری جێبەجێكاری نووسینگەكەوە راگەیەندراو هەروەهاوتیشی : تۆماركردن و دەنگدان لە سێیەم رۆژیدا، لە دوا وڵاتدا، كە ویلایەتە یەكگرتووەكانی ئەمریكایە، ئەمرۆ دووشەممە هەشتی ئازار كاتی پێنجی سەرلەبەیانی،كۆتایی هات . ئەوەشی زیادكرد كە هەڵبژاردنەكان لەو وڵاتانەدا كەبریارەكەی ئەنجومەنی كۆمیسیاران گرتبوویەوەو نوسینگەی هەڵبژاردنەكانیان تیادا كرابووەوە، لەرووی بەشداری عیراقیەكانی تاراوگەو چوونیان بەرەو سندوقەكانی دەنگدان، زۆر سەركەتووبوو.
هەروەها ئاماژەی كرد بە پابەندبوونی سەرجەم كارمەندانی نووسینگەكان بەو رێساو رێنماییانەی كە كۆمیسیۆن گرتبوونیەبەر بە مەبەستی گەیشتن بە دەنگدانێكی پاك و بێگەرد ئەوەش ئاسووودەییەكی زۆری لەلای هەموو عیراقیەكانی دەرەوە دروستكرد و ئەوانیش جەخت لە سەر باش بەرێوەچوونی پرۆسەكە دەكەنەوە سەررای قەرەباڵغی و پەرۆشیی دەنگدەرەكان بۆ بەشداریكردن . ئەوەش كە ئەم هەڵبژاردنە لەوانیتر جیادەكاتەوە ئەوەیە كە ژمارەیەكی زۆر لە و كەسانە بەشداریانكرد كە لەو وڵاتانەدا دەژین كە نووسینگەی هەڵبژاردنیان تیادا نەكراوەتەەوە،ئەوەش حەزو تامەزرۆیی عیراقیەكانی تاراوگە دووپاتدەكاتەوە بۆ بەشداریكردن لەو زەماوەندەی هەڵبژاردنەكاندا كە بێگومان گرنگیەكی زۆری دەبێت لە بنیاتنانی وڵاتەكەو بەهێزكردنی رێرەوی دیموكراسی تیایدا . ئاماژە بەوە دەكرێت كە كۆمیسیۆن شازدە نووسینگەی لەو وڵاتانەدا كردەوە كە هەڵبژاردنەكانیان تیادا بەرێوەدەچێت، كە( 119 بنكەو نزیكەی (602 وێستگەی
|
