بە مەبەستی تەواوكردنی ڕێوشوێنەكان و بەردەوام بوون لەگەڵ ڕاگەیاندن بە شێوەیەكی ئاشكرا و ڕوون، ئەنجوومەنی كۆمسیاران لە كۆمسیۆنی باڵای سەربەخۆی هەڵبژاردنەكان كۆنگرەیەكی ڕۆژنامەوانی بەست لە درەنگانێكی شەوی 7 ی ئاداری 2010 بە ئامادەبوونی ئاید میلكرت سەرۆكی شاندی نەتەوە یەكگرتووەكان لە عیراق.

بەڕێز فەرەج حەیدەری سەرۆكی ئەنجوومەنی كۆمسیاران بەیاننامەی كۆمسیۆنی خوێندنەوە كە تیایدا هاتووە :

ئامادەبووانی بەڕێز
سڵاوی خواتان لێ بێت

لەم ڕۆژە مەزنەدا كەوا هەموو عیراقییەكان چاوەڕوانی بوون بۆ تۆماركردنی جوانترین و مەزنترین ئەزموون لە مێژووی نوێدا كە بە ملیۆنان كەس بەرەو سەندووقەكانی دەنگدان دەڕۆیشتن بە هیوای بنیادنانی عیراقێكی دیموكراسی فرەنەتەوەیی بۆ هەڵبژاردنی نوێنەرەكانیان كە پەنجە مۆریان دادەنێن لە ئەنجوومەنی نوێنەرانی داهاتوودا دوای ئەوەی قۆناغی دەنگدان تەواو بوو، پشت بە خوا ڕووتێكردنێكی مەزنی بەخۆیەوە بینی سەرەڕای هەندێك كرداری تیرۆرستی كە مەبەستیان تۆقاندنی هاووڵاتیان بوو بە بەكارهێنانی تەقەمەنی بەڵام هاوڵاتیان بەشدارییان كرد لە پڕۆسەی دەنگدان و نامەیەكی مەزنیان گەیاندە هەموو جیهان ئەویش كە گەلی عیراق گەلێكی زیندووە و بڕیارێكی گەورەی داوە بەرەو دیموكراسیەت و بنیادنانی ووڵاتێك لە ڕێگەی هەڵبژاردنێكی سەربەست و پاكەوە . بەم بۆنە مەزنەوە كۆمسیۆنی باڵای سەربەخۆی هەڵبژاردنەكان پیرۆزبایی لە گەلی عیراق دەكات بە گشتی و بە تایبەتی دەنگدەری عیراقی كە لە بەیانییەكی زووەوە بەرەو بنكەكانی دەنگدان بەڕێكەوت تاوەكو ووشەی مەزنی خۆی بڵێت و عیراق هەڵبژێرێت هەروەها كۆمسیۆن پیرۆزبایی لە قەوارە سیاسییەكان و كاندیدەكان دەكات كە بەشداربوون لەم هەڵبژاردنە و بەرپرسیارێتییان هەڵگرت هەروەها بوونیان لە پێشبڕكێی هەڵبژاردندا شوێنی نێودەوڵەتی عیراق بەهێز دەكات و وا لە گەلانی تر دەكات بە چاوێكی پڕ ڕێز و پێزانینەوە سەیری ئەم گەلە بكەن كە بەرامبەر گشت بەرەنگارییەكان وەستاوە . بۆیە دوای بەشداریكردنیان و بینینی پڕۆسەكە ئەبێت ئەم قەوارانە و كاندیدانە بە ئەنجامەكان قایل بن و بە پلەی یەكەم بەرژەوەندی عیراقیان لە بەر چاو بێت وە ڕۆشەنبیرانە پیرۆزبایی لە براوەكان بكەن و ڕێزی ئەنجامەكان بگرن وە گومان نەكردن لە هەوڵەكانی كۆمسیۆن چونكە لایەنی جێبەجێكارە و هەموو شایەتی بۆ دەدەن، خاوەنەكانی توانیان ڕێسا و یاساكان و ڕێوشوێنەكان پیادە بكەن بۆ سەرخستنی پڕۆسەی هەڵبژاردن و لێرەدا پێویستە ئاماژە بە بوونی چاودێرە نێودەوڵەتییەكان و ناوخۆییەكان و بریكارەكانی قەوارە سیاسییەكان و ڕۆژنامەوانان بكەم وە ئەمەش پاكی و ڕوونی هەڵبژاردنەكان بەهێز دەكات . ڕاگەیاندنی ئەنجامەكانی هەڵبژاردن كۆمسیۆن لێی بەرپرسیارە چونكە ئەو لایەنەیە كە پشت دەبەستێت بە میكانیزمی ژماردن و جیاكردنەوە و تۆماركردنی دەنگەكان و پاشانیش وردبینی كردنیان و تێپەڕاندنیان بە چەند قۆناغێكدا بە مەبەستی ڕاگەیاندنی ئەنجامەكان بە شێوەیەكی دروست، لێرەشەوە كۆمسیۆن داوا لە سەرجەم قەوارە سیاسییەكان و هاوڵاتیان دەكات كە پەلە نەكەن و چاوەڕێی ڕاگەیاندنیان بكەن بە شێوەی فەرمی و لە سەرچاوە باوەڕپێكراوەكەیەوە، كە ئەوەش پێویستی بە كاتی زۆر هەیە بۆ ئەوەی كۆمسیۆن بتوانێت ئەركەكانی خۆی بە باشترین شێوە ڕاپەڕێنێت . ئەو ژمارانەش كە لێرە و لەوێ دەردەچن و ڕایدەگەیەنن كە لایەنێكی دیاریكراو یا كاندیدێك براوەیە ئەوە بریتییە لە پێشبینی و هیچ ژمارە یا ئەنجامێكی ڕاستەقینە تا ئێستا نیە و لێرەدا دەبێ ئاماژە بەوە بكەین كە ژمارە ڕاستەقینەكان و ئەنجامەكان كۆمسیۆنی هەڵبژاردنەكان ڕایدەگەیەنێت . ئێمە لەم ڕۆژە مەزنەدا و ئەم قۆناغە گرنگە لە مێژووی عیراقی نوێدا، دەبێ پیرۆزبایی لە گەلی عیراق و قەوارە سیاسییەكان و پاڵێوراوەكان و خۆمان بكەین، كە بێگومان ئەنجامەكانی دەبێتە هۆی بەهێزكردنی قۆناغێكی تازە لە بنیادنانی دیموكراسی و ئاڵوگۆڕكردنی ئاشتیانەی دەسەڵات . مێژوو شایەتی بۆ ئە ڕۆژە دەدات بە پیتی زێڕ تۆماری دەكات بۆ ئەوەی بۆ گەلانی ئازادیخواز ببێت بە چرا و ڕێگایەكی تەخت لەبەردەم ئەوانەدا كە خەبات دەكەن بۆ دیموكراسی و دروستكردنی دەوڵەتی هاوچەرخ كە بنەماكانی بریتین لە ڕێزگرتنی خواستی گەل، جێبەجێكردنی یاسا و ڕێزگرتنی ئازادی بیروڕا . لە جیاتی خۆم و ئەنجوومەنی كۆمسیاران سوپاس و پێزانینی خۆم ئاراستەی هەموو ئەوانە دەكەم كە لە سەرخستنی ئەم ڕۆژە گەورەیەدا بەشداربوون . وە دەبێ لێرەدا هەوڵ و ماندووبوونی ( تیمی هاوكاری نێودەوڵەتی و ئەزموونگەرانی نێودەوڵەتی و ڕێكخراوەكانی ناحكومی كە گرنگی بە كاروباری هەڵبژاردن دەدەن، چاودێرە نێودەوڵەتی و ناوخۆییەكان، بریكاری قەوارە سیاسییەكان، لێژنەی باڵای ئاساییشی هەڵبژاردنەكان و هەموو دڵسۆزان و خۆشەویستانی گەلی عیراق بەرز بنرخێنم...سڵاوی خواتان لێ بێت .